ပန်းနှစ်ပွင့်ရဲ့ဖြစ်တည်မှု

မိသားစုသွေးသားဆိုတာ ရေကို ဓားနဲ့ဖြတ်သလိုပဲ ဘယ်လိုမှမပြတ်နိုင်ဘူးဆိုတဲ့စကားက ကျန်းရှောင်မန်ဆိုတဲ့မိန်းကလေးအတွက်တော့ မဟုတ်ခဲ့ပါဘူး အထင်ကရ ကျန်းအိမ်တော်ရဲ့ သခင်မလေးတစ်ယောက်ဖြစ်ပေမယ့် ငယ်စဉ်ကတည်းက အပြင်လောကမှာပဲ ကျင်လည်ခဲ့ရပြီး ၁၃နှစ်သမီးအရွယ်မှ မိသားစုရဲ့ ပြန်ခေါ်တာကို ခံခဲ့ရပါတယ် ဒါပေမယ့်လည်း သမီးအရင်းဖြစ်တဲ့ရှောင်မန်ဟာ ကျန်းအိမ်တော်က မွေးစားသမီး ကျန်းနန်ယီလောက် အလေးပေးခြင်းမခံရတဲ့အပြင် အခွင့်ရရင် ရသလို ကျန်းနန်ယီရဲ့ ချောက်ချခြင်းကို ခံခဲ့ရပါတယ် အဆိုးဆုံးက ကျန်းအိမ်တော်ရဲ့စွန့်ပစ်ခြင်းကိုပါ ခံလိုက်ရပြီး ကျန်းနန်ယီရဲ့ အသတ်ခံလိုက်ရတဲ့ ရှောင်မန်ဟာ ပြန်ရှင်သန်လာချိန်မှာတော့ သူ့အတွက်ပဲ သူရှင်သန်ဖို ဆုံးဖြတ်ချက်ချခဲ့ပါတယ် ဒီဘဝမှာတော့ ကျန်းအိမ်တော်ကို သူကိုယ်တိုင်စွန့်ခဲ့ပြီး ငယ်သူငယ်ချင်းနဲ့အတူ စီးပွားရေးတစ်ခုစခဲ့ကြပါတယ် သိုသော်လည်း မခေါ်ချင်ပေမယ့် မတော်လိုမရတဲ့ ‌မိသားစုဆိုတဲ့အသိုက်အဝန်းက သူ့ရဲ့အေးချမ်းနေတဲ့ဘဝလေးဆီကို ပြန်ဆက်နွယ်ဖို ကြိုးစားလာတဲ့အခါ…

မိသားစုထဲမှာ အကြီးဖြစ်နေလို အငယ်ဖြစ်နေလို အလတ်ဖြစ်နေလိုဆိုပြီး ခွဲခြားဆက်ဆံခံရတဲ့သူလေးတွေရှိကြလား ဒီဇာတ်လမ်းလေးကတော့ အဲ့လိုခွဲခြားဆက်ဆံခံရရုံတင်မကဘူး မိခင်အရင်းအခြာရဲ့ နည်းမျိုးစုံ အကောက်ကြံတာခံရတဲ့ လော့နင်ဆိုသူ မိန်းကလေးရဲ့အကြောင်းဖြစ်ပါတယ် လော့နင်ဟာ အမတ်အိမ်က သမီးတစ်ဦးဖြစ်ပါတယ် တိုင်းပြည်မိခင် မိဖုရားကြီးကို ကယ်တင်ပေးခဲ့တဲ့ ကျေးဇူးကြောင့် အမတ်အိမ်မြှောက်စားခံခဲ့ရပေမယ့် ဒီအကျိုးရလဒ်ကို လော့နင်လေး မခံစားခဲ့ရပါဘူး ဒါတင်မကဘူး သားသမီးချင်းခွဲခြားဆက်ဆံတဲ့မိခင်ရဲ့ မီးရှိသတ်တာကိုပါ ခံခဲ့ရပါတယ် သေပြီးဝိဉာဉ်ဘဝနဲ့ ၁၈နှစ်ကြာ မျောနေရာက  မတော်တဆအတိတ်ကိုအချိန်ခရီးသွားခွင့်ရပြီးမသေခင်၃နှစ်အလိုအချိန်ဆီပြန်ရောက်သွားခဲ့ပါတယ် မိမိရဲ့ဖြစ်လာမယ့်ကံကြမ္မာ တိုင်းပြည်ရဲ့ အနာဂတ် ၁၈နှစ်ကြာကို ကြိုသိနေတဲ့သူတစ်ယောက်အဖြစ် လော့နင် ဘယ်လိုရှင်သန်အောင်ရုန်းကန်မလဲ သွေးသားရင်းဖြစ်ပေမယ့် မငဲ့ညှာခဲ့တဲ့မိသားစုကိုရော သူဘယ်လိုလက်စားချေမလဲ အမုန်းတွေ အာဃာတတွေကြားက ရေစက်ဆုံလာရတဲ့ ချစ်ရသူနဲ့ရော ပေါင်းဖက်ခွင့်ရမှာလားဆိုတာကို မင်မင်တိုရဲ့ ဇာတ်လမ်းလေးထဲမှာ စောင့်ကြည့်ရမှာပါ ကြည့်ပြီးရင်ထဲဟာခနဲကျန်ခဲ့ရစေမယ့်…